Челендж мақсаты: Оқушыларды елін, жерін, Отанын сүюге, ұлт жанды болуға тәрбиелеу. Бұл жастардың көтерілісі, қаншама жастарымыз қыршыннан кеткендігін балаларға жете түсіндіру, саналарына құю. Бейне баяндар көрсету арқылы Отанға деген құрметтерін, сүйіспеншіліктерін арттыру.
Желтоқсан көтерілісіне қанша жыл,қанша ғасыр өтсе де мәңгі есте қалары сөзсіз. Ұмытылмайтыны — оның тағдырмен байланыстылығында. 1986 жылғы Желтоқсан көтерілісі де ауыл-үйдің әңгімесі емес,дүмпулі алып құрлықты аралап кеткен ғаламат тарихи оқиғалардың бірі. Сол көтеріліс батырлары Ләззат Асанова, Сәбира Мұхамеджанқызы,Ербол Сыпатаев, Қайрат Рысқұлбеков, т.б жаңа ғана бүршік атып келе жатқан тал шыбықтай жастарымыздың өмірі үзілді. Бұл күн Қазақ халқы үшін ұлы күн, әрі қайғылы,әрі бақытты күн болып саналады. Тәуелсіз елімізді қастерлеуге үйрету. Ендігі ұрпақ – Мәңгілік Қазақтың Перзенті. Ендеше, Қазақ Елінің Ұлттық Идеясы – Мәңгілік Ел!» деп Елбасымыз атап көрсеткендей тәуелсіздіктің тұрақтылығы мен мәңгілігі қазіргі ұрпақтың оны түйсініп, түсінуінде жатыр. Осындай қасиетті ұғымның мәнін жете ұғынып, бағасын біліп, зердесіне сіңіру қазіргі ұрпаққа жүктелер үлкен міндет болып табылады.
Ұйымдастырушы ДТІЖО:Батырбекова А.П