«Ұлттық ойындар-ұлтымыздың құнды мұрасы» дегендей, біздің мектептің ұстаздары ұлттық ойындарды тәжірибе жүзінде жасап көруді жөн деп білді. Ұлттық ойындардың сұлтаны — асық ату ойыны.
Асық ату — ертеден келе жатқан қазақтың ұлттық ойындарының бірі.
Ойыншы қажетті асықты атқанда екі қолдың он саусағының кез-келгенін пайдаланады. Бірақ ату кезінде саусақты сүйретіп немесе жай түртіп атуға болмайды. Бұлай істеген жағдайда асық келесі ойыншыға ауысады.
Асық атудың әдісі — ойыншы көндегі асықтың орналасуына қарай асықтарды атады. Асықты атуға ыңғайлы саусақ бүгіліп, екінші бір саусақтың тіреуінен шертіліп барып асыққа тигені дұрыс.
Асық ойыны баланың жастайынан жүйке жүйелерін шыңдап, оларды дәлдікке, ептілікке, ұстамдылыққа тәрбиелейді.