29.01.2025ж тәрбие ісі жөніндегі орынбасары Батырбекова А.П мен педагог-психолог Әбдіразақ Д.Е «Әжелер сөзі-тәрбие көзі» атты сайыс өткізді.
Мақсаты: Қазақтың салт-дәстүр, әдет-ғұрыптарын бойға сіңіру арқылы жас ұрпақты тәрбиелеу. Әже тәрбиесін үлгі ету, әрі олардың өнегесін күнделікті өмірде пайдалану
«Әжелер сөзі — тәрбие көзі» атты сайысымызға әжелер мен немелері қатысты.
Ақ сүт берген аналардың анасы – әже әрқашанда балалық балдәуреннің басы- қасында болатын ақылшы, тәрбиелеуші. Әжелер өнері, әжелер мектебі, олардың өнегесі –бүгінгі қоғамда баға жетпес байлық, бойға тереңнен сіңіретін тәрбие құралы.
«Жан жүрегім, жарығым» деп әже немересін, шөбересін жүрегіне теңейді, өмірден жиған барлық ғибратын бүлдіршінді тәрбиелеуге арнайды. Ата жолын қусын деп адал еңбекке, мейірімді болсын деп қайырымдылыққа баулиды. Әженің әңгімесі мен ертегісін тыңдау, өнегесін үйрену, ақылын жадында тоқу-ұрпақ міндеті. Ол киелі, қасиетті, ардақты жан. Әжелеріміз бен немерелері көрсеткен әрбір сайыс өз құндылығымен ұлттық тәрбиенің негізгі арқауы болды деп ойлаймыз. Сайыс болған соң жеңімпаз да жеңіліс те бар еді.Әжелеріміз кезектегі орындарға ие болды:
«Нұр» әже тобы-Науырызбекқызы Медина мен әжесі Жолдывай Савлиш – Бас жүлде
«Сырлы» әже тобы- Бейсенбай Дариға мен әжесі Жанай Маржан қатысып – І орын
«Асыл» әже тобы- Еркін Айсұлтан мен әжесі Дарисқызы Бибар – ІІ орын
«Алтын» әже тобы-Аманжолқызы Айсұлу мен әжесі Кәдірхан Алмагул –ІІІ орынмен марапатталды. Сайысымызға қатысқан әжелерімізге көптен көп рахмет айтып бойындағы құндылықтарды жас ұрпаққа бере –берулерін тілейміз. Әжелеріміз аман болсын дейміз. Дендеріңізге саулық, отбасыларыңызға амандық тілейміз деп сайысымызды қорытындыладық.
